قصص نجاح وتفوق , فتحية عبد المؤمن

 قصص نجاح وتفوق

حوار صحفي/ بقلم م.هيثم مصطفي التركي

اليوم وكل يوم هو فرصة جديدة لبناء مستقبل أفضل، فرصة للانطلاق نحو تحقيق الأحلام، وتجاوز الصعاب. لا تدع الأمس يعيقك عن تحقيق ما تصبو إليه اليوم، فالعزيمة والإصرار هما مفتاح النجاح.

يا أيها الأبطال، يوم جديد وفرصة جديدة لتحقيق أحلامكم, ابدأ يومك بتفاؤل، فكل تحدٍ هو فرصة للنمو والنجاح , وتذكر دائمًا أنك تستطيع تحقيق المستحيل إذا آمنت بنفسك وقدراتك .

اليوم سنقدم لكم شخصية مميزة تحدت الزمن والحياة  مع ضيفيتنا الأستاذة / فتحية عبد المؤمن  

من أنتي ..

التعريف بيانات .. أسمي فتحية عبد المؤمن  , أصغر أخواتي  بنت مستخدمة كرسي متحرك بعد الولادة بسنتين .

 

أما تعريفي الإنساني .. بنت بتحب الحياة وشايفة أنها تستاهل تتعاش برغم الصعوبات

وشايفة أن من نعم ربنا هو فرصة أختبار التجربة الأرضية وأختبار كل المشاعر فيها وأختبار النعم زي أننا نشوف الالوان ونحس بمشاعر ونحس بملمس الأشياء ونحس بالفقد ونحس بالسعادة والنجاح والحزن .

من أين..

أبويا من الجيزة وأمي من المنوفية وأنا أتولدت وعشت حياتي كلها في القاهرة ( منطقة حلوان).

 

التعليم والعمل ..

انا وصلت البكالوريوس تجارة وإدارة أعمال ومحاسبة  أما العمل فاشتغلت حاجات كتير جدا

أولها

·         إني كنت بشتغل Dj عشان أجيب مصاريف الجامعة .

·         أشتغلت مصممة  ديكور وزينة صناعي .

·         أشتغلت سكرتير لشركة الدعايا والإعلان .

·         أشتغلت مصصمة اكسسوار .

·         أشتغلت ١٦ سنة في إدارة وتطوير ومدير علاقات مدارس خاصة من أول بنت بستقبل تليفونات أولياء الأمور لتسهيل التواصل .

·         مسؤل خزينة وحسابات .

ü      أول موظفة دخلت نظام الحاسب الالي في النظام في المدرسة .

·         أشتغلت مسؤل شئون طلاب .

·         أشتغلت مسؤل تواصل وتفاوض في المدرسة .

·         أشتغلت مسؤل تنمية مهارات شخصية للمدرسين والطلبة .

·         أشتغلت مدير علاقات عامة للمدرسة .

·         اشتغلت كابتن أوبروكريم.

·         اشتغلت مطربة في ساقية الصاوي.

·         اشتغلت موديل لبراند ملابس لذوي الاعاقات والاختلافات الجسدية .

 

ü      وحاليا مديرة مكتب تموين في وزارة التموين .

ü      و لايف كوتش

ü      ومدرب دولي معتمد

ü      ومعالج شعوري

 

الكفاح والنجاح

جزء كبير من التحديات بسبب الصعوبات الي قابلتها في الحياة بسبب الكرسي المتحرك  وعدم وجود إتاحة مناسبة في المدارس والجامعات وأماكن الشغل .

وبرغم كدا كنت دائما بحاول اتعامل. أستعين بالناس كاتاحة بشرية يساعدوني امشي في مشوار حياتي..

التفوق والمناصب

تفوقت في مرحلة  إبتدائي تطلعت التانية علي المنطقة .

 

المهارات الفردية

من 2016  لاعبت ب بطولة الجمهورية في لعبة تنس طاولة جلوس لحد 2025 يعني 9 سنوات

وكسبت ذهبي وفضة وبرونزي علي مستوي الجمهورية

ومدرب دولي معتمد في مجال التنمية الذاتية.

 

الخبرات والأزدهار..

الخبرات كلها في التجارب الي مريت بيها

خبرات الشغل  , خبرات الرفض  , خبرات عدم الاتاحة , خبرات تعليم جيل غيري من مستخدمين الكراسي لمهارات تسهل حياتهم عشان ميمروش بنفس التفاصيل المؤلمة .

الدواوين والشعر ..

مكتبتش شعر لحد دلوقتي بس بتعلم .

 

 من مؤلفاتك ..

كان عندي مدونة أسمها ( أغاني الشتا )  كنت بكتب فيها أوقات ولسة مخلصتهاش

 

العمل في التمثيل الدرامي ..

محصلش اني مثلت قبل كدا بصراحة بس مستنية حاجة مناسبة مع نجوم كبار .

 

دورك مع الشباب الصاعد..

بشوف أن أكبر هدية ممكن أقدمها للجيل الصغير هي إني أساعدهم علي تنمية وعيهم من وهما صغيرين.

 

وعملت

برامج عملية جروب كوتشينج أون لاين وقت كرونا أئمة كامب الكوتش الصغير وممكن أبعت لحضرتك لينكات من الكامب.

 

وحاليا بقوم بدور مع الاولاد الصغيرين الي بينضموا لفريق التنس وبعمل حلقات وعي عن الاعاقة وعن الحياة وكيفية التعامل بأفضل شكل مناسب وأزاي يكون عندهم صحة نفسية عشان يعرفوا يتعاملو في البيت والشارع والمدرسة .

 

أول مقالة كتبتيها..

مكتبتش مقالات في الجرايد

بس مقالاتي كلها علي صفحتي في الفيس بوك وكنت عملت سلسلة عن وعي الإعاقة والأنوثة .

https://www.facebook.com/share/1V6CdoHnEC/

 

أول لقاء تليفزيوني عملته ..

عملت لقاءات مختلفة علي قنوات

ü      المحور

ü      مع مني الشاذلي

ü      قنوات فرنسية كانت بخصوص اني موديل لبراند لذوي الاعاقة  ولاني بغني ضمن فرقة موسيقى مكونة من أشخاص بتسخدم كراسي متحرك وزملاء مطربين آخرين لمدة سنة ونص.

 طموحك في المستقبل ..

أكون شخص ملهم بتجربتي الإنسانية للأشخاص أصحاب التحديات وأصحاب الاعاقات.

الخلاصة

قدمنا لكم نموذج مشرفا وفخر الشباب المصري, الذين تحدو الزمن والظرف المحيطة بيهم لكي يكونوا نماذج مشرفة وملهمة لشباب الصاعد وغيرهم.

والنجاح لا يأتي بالصدفة، بل هو نتيجة العمل الجاد، والمثابرة، والتعلم من الأخطاء ولا تدع خوفك من الفشل يمنعك من تحقيق أحلامك بل النجاح يبدأ بخطوة واحدة وتذكر دائمًا أنك قادر على تحقيق المستحيل، وأن كل خطوة تخطوها، مهما كانت صغيرة، تقربك من هدفك. استلهم قوتك من داخلك، وامضِ قدمًا بثقة وإيمان بقدراتك، فالعالم ينتظر إبداعاتك وإنجازاتك. استثمر في نفسك، وكن دائمًا على استعداد لتحدي الذات، فالنجاح ليس نهاية المطاف، بل هو بداية لرحلة جديدة من العطاء والإلهام

م.هيثم مصطفي التركي