مين هيحاسب, لهيثم مصطفي التركي

 

مين هيحاسب ..

هو مين هيحاسب على إهدار العمر والصحة والنفسية اللي ضاعت على ناس أبدعت في قسوتهم علينا ..

 

هو مين هيحاسب على تحويشة القلب اللي اتصرفت على ناس غدارين وناكرين لخيرنا ومحبتنا ..

 

هو مين هيحاسب على الفوضى والوجع اللي إتراكم بحجم الجبال جوا روحنا اللي اتشققت من كتر كتمان الشكوى ..

 

هو مين هيحاسب على السنين والأيام والشهور اللي قضيناها انتظار .. وكلنا أمل إنه يتحس بتضحياتنا واحنا بنفني ونبني في قصور أوهام عشانهم ..

 

هو مين هيحاسب على التشويه النفسي والوجداني اللي اتحفر في ذكرياتنا وفي أفكارنا سواء اللي راحت أو اللي جاية ..

 

مين هيحاسب على الحاجات الحلوة اللي عملناها عشان قلوب جاحدة وجامدة وقاسية ما قدرتش إخلاصنا وصدقنا ..

 

مين هيعوضنا عن كم الآلام اللي عششت فينا ..

 

وكم الآمال اللي هدموها بإيديهم ..

 

مين هيعوضنا عن الخسارات الفادحة في حقنا ..

 

مين هيحاسب ..